Berriak
Udalak bi peoi kontratatuko ditu Lanbideren dirulaguntzari esker
Azkoitiko Udalak, Lanbidek diruz lagunduta, balio anitzeko bi peoi kontratatuko ditu. Hautaketa prozesua abian da gaurtik, eta izena emateko azken eguna abuztuaren 23a izango da.
Kontratuak sei hilabeteko iraupena izango du eta lanaldi osokoa izango da.
Hautagaiek Lanbide-Euskal Enplegu Zerbitzuan lan-eskatzaile moduan izena emanda izan beharko dute, eta ahozko euskara maila ertaina eskatuko zaie. Halaber,eskolaritate ziurtagiria lorezaintzan esperientzia izatea ere eskakizunen artean sartzen dira.
Balda etxeko kaperak ateak zabalduko ditu larunbatean, bere mendeurrena ospatzeko
Balda Etxean dagoen San Inazio kaperak ateak zabalduko ditu larunbat honetan, uztailaren 29an. Kaperak 100 urte bete ditu, eta mendeurrena ospatzeko, nahi duten herritarrek bisitatu ahal izango dute elizatxoa.
Kapera 12:00etatik 14:00etara egongo da zabalik. Halaber, 12:30ean, bisita gidatua eskainiko da Juan Bautista Mendizabalek eskutik.
Martirieta auzoan izandako luiziak eragindako kalteak, konponduta
Eguraldi txarraren eraginez Martirieta auzoan gertatutako luiziak eragindako kalteak konpondu ditu Udalak. Irisarri baserri inguruan izan zen lur-jausia, eta errepidea garbitzea izan zen lehenengo lana. Egun hauetan zonaldea lehengoratzeko lanak egiten aritu da Martitte Eraikuntzak enpresa, eta bukatuta daude jada. 12.037,08 euro kosta dira.
Hizkuntza eskubideen aurkako epaiaren aurrean, Udalak adierazpen instituzionala egin du
Espainiako Auzitegi Konstituzionalak Udal Legearen aurka, udalei Euskara hutsez aritzeko aukera ezetsiz, emandako epaiaren aurrean, Udalak adierazpen instituzionala egin du. Testua atzoko udal osoaren ohiko udalbatzan onartu zen, EAJ/PNV, EH Bildu eta Azkoitia Bai Elkarrekin udal taldeen aldeko botoekin. Aldiz, alderdi sozialistak ez du adierazpenarekin bat egin.
Adierazpena sinatu duten alderdiek kezka agertu dute eta larritzat jo dute sententzia, “euskararen normalizazio eta biziberritze prozesuari oztopoa jartzea delako”, hizkuntza-politikak mugatuz.
Udaltzaingoak etxebizitzetan lapurreta arriskuaz ohartarazi du
Udaltzaingoak silikona-markak atzeman ditu Azkoitiko erdiguneko auzo bateko hainbat etxetako ateetan, eta, horregatik, herritarrak adi ibiltzeko ohartarazi ditu, eta eskatu die begiratzeko ea lapurrek utzi ohi dituzten seinalerik ikusten duten ateetan.
Uda garaian, lapurretak areagotu egiten dira, bizilagunak etxetik kanpo izan ohi direlako askotan oporrak tarteko, eta lapurrek abagunea aprobetxatzen dute.
Andramarietan balkoietan jartzeko banderak bihar eskuratu ahalko dira Kontzejupean
Udalak, Andramari jaien atarian, balkoietan Azkoitiko bandera zintzilikatzera animatu nahi ditu herritarrak. Iaz banatu zituen Udalak banderak estrainekoz, eta aurten ekimena errepikatzea erabaki du. Iaz saldu gabe geratu ziren berrehun eta piku bandera salgai egongo dira bihar, osteguna, Kontzejupean, 17:30etik 19:00etara.
Banderak prezio sinbolikoan, bi eurotan salduko dira, eta aurreko urtean bezala, jasotzen den dirua Herrixen Merkatari Elkartearentzat izango da.
Iaztik banderak gordeta dituztenek, berriz, iazkoak aprobetxa ditzakete aurtengo Andramarietan balkoiak apaintzeko eta festa giroa sortzeko.
GKEek irailaren 30era arte eska ditzakete dirulaguntzak
Azkoitiko Udalak Gobernuz Kanpoko Erakundeei zuzendutako dirulaguntzak eskatzeko epea zabaldu du. Laguntzak eska daitezke garapen bidean dauden herrialdeetako bizilagunen baldintza sozial, ekonomiko eta kulturalak hobetzeko helburua duten programak garatzeko, eta baita herrialde horietako errealitatearekiko eta egoera hori sortzen duten arrazoiekiko Azkoitiko herritarren interesa sustatzen lagunduko duten ekimenak gauzatzeko ere.
Su Ta Gar, Neomak eta Gozategi Andramari jaietan entzungo diren taldeen artean
Egun gutxi falta dira aurtengo Andramari jaietarako eta aurki hasiko da giroa berotzen. Festetako egitarauaren baitan, musika izango da protagonista nagusietako bat, egunez zein gauez. Aurten, Herriko plazako agertokira igoko dira Su ta Gar taldea abuztuaren 14an, eta Neomak, 15ean.
Abuztuaren 16an Gozategi izango da eszenatokian, eta 17koa erromeria gaua izango da, Etxeberritxo eta Ugaitz trikitilariekin, Balda plazan.
| Al | Ar | Az | Og | Or | Lr | Ig |
|---|---|---|---|---|---|---|
|
1
|
2
|
3
| ||||
|
4
|
5
|
6
|
7
| |||
|
11
|
12
|
13
|
14
|
15
| ||
|
19
|
20
|
21
|
22
| |||
|
26
|
27
|
28
|
29
| |||
