Berriak
Auzoekiko utzikeria eta auzolana nabarmendu dituzte baserri auzoek
'Danon herrixe' partaidetza prozesua martxan da. Atzo (asteartea) egin zen aurreneko bilera, baserri auzoetan bizi diren herritarrekin. Dozena pasatxo herritarrek hartu zuen parte eta Azkoitiko baserri auzo guztiak egon ziren ordezkatuta. Eurak bizi diren auzoak dituen alde onak eta hobetu beharrekoak aztertu zituzten aurrena, eta Azkoitiak herri bezala dituen alde onak eta hobetu beharrekoak ondoren. Auzoka banatu ziren eta taldeka egin zuten hausnarketa. Besteak beste, urteetan Azkoitiko baserri auzoak utzita egon direla nabarmendu zuten eta horri buelta emateko premia azpimarratu. Baserri auzoek auzolanerako duten eskarmentua eta hori berreskuratzeko beharra ere aipatu zituzten, alde positibo bezala. Auzo bakoitzean dituzten premia eta balio zehatzak ere agertu ziren. Gaur egingo da bigarren bilera: alde zaharra, Txalonerreka eta Jausoroko herritarrekin egingo da, Zuazola kalea, Nemesio Etxaniz, Bizenta Juaristi, Estrada, Auzmendi, Ubaiar eta Santa Klara barne.
Iraurgi Lantzenek Implantaris programa jarri du enpresari txikien zerbitzura
Hamar langile baino gutxiagoko enpresek Implantaris programa ezartzeko aukera izango dute hemendik aurrera, Iraurgi Lantzen programa hori eskaintzen hasi baita. Ekimen honen helburua IKTen erabilera sustatzea da, lehiakortasunaren eta produktibitatearen hobekuntza aholkulari teknologiko baten eskutik. IMPLANTALARIA da, hain justu, aholkulari hori. Zerbitzua doan da eta interesatuek Iraurgi Lantzenen jaso dezakete informazioa (Alazne Larrañaga, 943-85-11-00)
Enplegu plana egiteko foro sozio-ekonomikoa hasi da planaren helburuak aztertzen
2012ko urriak 10ean bildu da, lehendabizikoz, Urola Erdiko enplegu plana gauzatzeko Foro sozio-ekonomikoa. Bilera Azkoitian, Loiola Berrikuntza Fundazioko egoitzan, egin zen, eta bertan ondokoek hartu zuten parte: Azpeitiko, Azkoitiko, Zestoako, Aizarnazabalgo, Errezilgo eta Beizamako Udalek, Ezagutza Guneako lehendakariak, Bertan Azpeitiko Merkatari Elkarteak, Adegik, Iraurgi Lantzenek, Lanbidek, baserritik.com-ek, Zestoako Merkatari Elkarteak, EHNEk, Kutxa Zeharok, Eskualdeko Emakume Taldeak, Urola Ikastola BHIk, LABek, Urkomek eta Gureak taldeak. Hurrengo bilera ostegunean egingo da.
Ikasturte honetan ere martxan da Mintzalagun programa
Ikasturte berriarekin batera, martxan da berriro ere Azkoitiko mintzalagun programa. Honako hau 3. ikasturtea da, beraz Euskal Herri osoan ezaguna den fenomeno honek, indarra hartu du gure herrian ere. Hizkuntzaren ikaskuntzan, alboan utzi ezin daitekeen kontua da ikasitakoa praktikan jartzea, ez da gauza berria; euskara praktikatzeaz gain, jende berria ezagutu, euskararen munduan murgildu eta, finean, euskaraz bizitzeko aukera izango du izena ematen duenak.
Abarketatxo eta Artxamendi asteburuetan irekita
Urte amaierako hiruhileko honetan urria, azaroa eta abenduan Abarketatxo Ludoteka eta baita Artxamendi Topalekua ere hilean behin larunbata arratsaldeetan irekiko dira, ekintza bereziekin. Urriaren 20an, esaterako,13-17 urte bitartekoentzak zabalduta egongo da Artxamendi Topalekuan, baita ere 17:00etatik 19:00etara.Bai Abarketatxo.net eta baita artxamendi.net web orrietan ipiniko dira ondoren zein larunbatetan irekiko diren.
Autobus zerbitzua egongo da Elosura
Ostiraleko Elosuko perira joateko autobus zerbitzua egongo da. 09:00etatik 20:00ak arte bi autobus txiki ibiliko dira joan etorrian. Autobusak Julio Urkijo kaleko geltokitik (Eroski txikiaren aurretik) aterako dira.
Gaztezulo hilabetekaria banatuko dute egunotan ikastetxeetan
Udaleko Euskara Zerbitzuek ‘Irakurriz Gozatu' egitasmoa martxan jarriko dute aurtengo ikasturtean ere. Hala, aste honetan Gaztezulo hilabetekaria dohan batuko da Floreaga eta Xabier Munibe eskoletan. Zehazki DBH-ko 4. mailako ikasleei banatuko zaie aldizkari hori, sei hilabetez. ‘Irakurriz gozatu'-ren helburua gazteen artean irakurzaletasuna sustatzea da, euskaraz irakurtzeko ohitura bultzatu eta euskal prentsa gazteei ezagutaraztea. Horretarako gazteentzat pentsatutako Gaztezulo aldizkaria erabiltzen da eta, bide batez, aldizkari horren hedapenean ere laguntzen du. Ikastetxeek, Donostiako Komunikabideak E.M-k eta Udalak elkarlanean bideratzen dute proiektua.
Loiola Berrikuntza Fundazioak egingo du enplegu plana
Urola Erdiko udalerriak (Azkoitia, Azpeitia, Zestoa, Aizarnazabal, Beizama eta Errezil) abian jarritako enplegu planak pausoak ematen darraio. Horrela, plana gauzatzeko zerbitzuaren esleipena egin da dagoeneko eta Loiola Berrikuntza Fundazioari esleitzea erabaki da. Fundazioak eskualdeko ekonomiaren eta arazoen gaineko ezagutza sakona du, eta azken urteetan, berrikuntza eta ekonomia sare estrategikoa indartzearen aldeko lana egin du. Hau guztia, kontutan hartu da erabakia hartzeko orduan. Instituzioen ustez, "Fundazioa plana egokitasunez egiteko garantia ezin hobea da, eta konfiantza osoa dute bertako lan gaitasunean".
| Al | Ar | Az | Og | Or | Lr | Ig |
|---|---|---|---|---|---|---|
|
1
|
2
|
3
| ||||
|
4
|
5
|
6
|
7
| |||
|
11
|
12
|
13
|
14
|
15
| ||
|
19
|
20
|
21
|
22
| |||
|
26
|
27
|
28
|
29
| |||
