Berriak

Indarkeria matxistaren aurka antolatutako ekintzetan parte hartzera deitu du Udalak

Berriak

25 Azaroa 2013

Azaroak 25, indarkeria matxistaren nazioarteko eguna da eta aldarrikapen horren harira hainbat ekitaldi antolatu ditu Azkoitiko Emakumeen Mahaiak Azkoitian. Aldarrikapen horiekin bat egiten du Udalak, eta mobiliziazioetan nahiz bestelako ekintzetan parte hartzera deitzen ditu azkoitiarrak, besteak beste herriko plazan 19:00etan egingo den elkarretaratzera. Indakeria matxistari aurre hartu!

Asteartean, zurrumurruen aurkako 4. tailerra

Berriak

22 Azaroa 2013

Aniztasun Kontseiluak berriro ekingo die Zurrumurruen aurkako tailerrei. Udan hiru saio egin ostean, asteartean (azaroak 26) laugarren saioa egingo da. Oraingoan, zurrumurruen kontrako eragileak prestatzera bideratuko da saioa, eta honako kontuan jorratuko dituzte: Azkoitiko herritarrei nola transmititu modu proaktibo batean eta sarean lan egitea, zurrumurruen kontrako eragile izateko konpromisoa duten pertsonen artean. Saioa Aizpea Otaegi SOS! Arrazakeria elkarteko kideak bideratuko du. Saioa Elkargunean izango da, 18:30ean. Bertaratu eta parte hartzeko dei egiten die Aniztasun Kontseiluak herritarrei.

Azaroaren 25aren bueltan tailerrak, zine emanaldia eta elkarretaratzea antolatu ditu Emakumeen Mahaiak

Berriak

21 Azaroa 2013

'Indarkeria matxistari aurre hartu!". Lema hori aukeratu du Azkoitiko Emakumeen Mahaiak azaroaren 25erako. Emakumeen kontrako indarkeria matxistaren kontrako eguna da egun horretan, eta gai horren inguruan sentsibilizatzeko hainbat ekitaldi antolatu ditu Mahaiak. Gazteentzat autodefentsa feminista taillera, emakumeentzat autodefentsa tailerra, 'La estrella' pelikularen emanaldia eta elkarretaratzea egingo dituzte, bihar bertan (ostirala) hasita. Hemen duzue egitarau osoa. Ekintza horietan parte hartzera deitzen ditu herritarrak Emakumeen Mahaiak eta deialdi horrekin bat egiten du Udalak, "egun berdintasun egoeran bizi garela sinestarazi nahi diguten arren, asko baitira bizi ditugun bereizkeria eta zapalketa egoerak, bai lan merkatuan, zaintza lanetan, kirolean, festetan, e.a. Beraz guztion ardura izango da egoera hauek identifikatu eta gainditzeko neurriak hartzea". Indarkeria matxistari aurre hartu, kontzientziatu eta parte hartu!

 

Gehiago irakurri...

Langabezia tasa %15,7koa izan da urrian Azkoitian

Berriak

18 Azaroa 2013

Iraurgi Berritzenek publikatu ditu urriko datu sozio-ekonomikoak eta datu horien arabera, Azkoitian langabezia tasa %0,3 igo da hilabete horretan %15,7raino. Orokorrean, bailara osoan egin du gora langabeziak hilabete horretan, eta baita Gipuzkoan ere. Hemen duzue txosten osoa eskuragarri.

Gaur eta bihar, Gizarte Zebitzuak, Euskara, Merkataritza eta Kulturako aurrekontuan erabakitzeko bilerak

Berriak

18 Azaroa 2013

Gogoratu, martxan da jada Danon Herrixe!

Aurreneko bileran, (iragan ostegunean) inbertsio orokorrak eta ingurumen saila landu genituen herritarrekin, eta bertaratutakoek eurentzat proiektu alor horietan datorren urtean egin beharreko proiektuak aukeratu zituzten. Aste honetan beste horrenbeste egingo dugu: bihar eta etzi (asteartea eta asteazkena) Gizarte Zerbitzuak, Euskara, Merkataritza eta Kultura/Festak sailekin. Etorri eta aukeratu 2014an egingo diren proiektuak. Zure iritzia oso garrantzitsua da, Azkoitia zeure beharren arabera egiteko. Animatu, etorri, eta parte hartu, denok irabaziko dugu eta!

Jarraian dituzue bileren ordutegia eta eguna:

Gehiago irakurri...

Negozio bat martxan jarri nahi duten ekintzaileentzat diru-laguntzak emango ditu Udalak, enplegu planaren barruan

Berriak

18 Azaroa 2013

Orain urtebete, Azkoitiko eta Urola erdiko gainerako udalek abian jarritako Enplegu Planak pausoak ematen jarraitzen du eta oraingoan negozio baterako ideia edo proiekturen bat duten ekintzaileentzat diru-laguntzak jarriko dituzte martxan. Lanbideren bidez ematen diren diru-laguntza horiek eta ekintzaileei zuzenduriko diru-laguntzak bi motatakoak izango dira; ideia berriak sustatzeagatik eta jarduera berriak martxan jartzeagatik. Eskaerak egiteko epea zabalik dago jada eta aholkularitza lanak azaroaren 30 baino lehen hasiko dira. Hemen duzue informazio osoa.

Udalek Lanbiderekin ekintzailetasuna sustatzeko eta aurreikusten diren diru-laguntzak bideratzeko lankidetza hitzarmena sinatuko dute. Beraz, Urolako udaletara edo Iraurgi Berritzenera bideratu daitezke herritarrak informazio eske. Eta, gure eskualdean aurreikusten denez, ideia berriak sustatzeko eta aztertzeko lau lagunentzako diru-laguntzak egongo dira, eta jarduera berriak (bideragarritasun plana dutenentzat) zazpi lagunentzako diru-laguntza izango da.

 

Elkarmedia eta Zakelak ziurtagiri maila hobetu dute

Berriak

13 Azaroa 2013

 

 

 

 

 

 

Zakela kultur elkarteak eta Elkarmedia enpresak Azkoittixen Bai Euskarari ziurtagi maila hobetu dute. Zakelak, ziurtagiriaren hirugarren eta azken maila erdietsi du, Zerbitzua eta Lana euskaraz maila hain justu, eta Elkarmedia, berriz, bigarren mailara igo da, Zerbitzua euskaraz mailara, hain justu. Azkoitiko Udaleko euskara zinegotzi Xabier Gantzarainek eta Ziurtagirien elkarteko Arkaitz Illarramendik eman berri die bi eragileei dagokien mailaren ziurtagiaria. Bai Euskarari ziurtagiriak hiru maila ditu, Bidean maila (aurrena), Zerbitzua euskaraz maila eta Zerbitzua eta lana euskaraz.

Mintzalagunekoak Kontrako Eztarrixe irrati librea bisitatu dute

Berriak

12 Azaroa 2013

Mintzalagun egitasmoaren aurtengo kurtsoari ofizialki larunbatean eman zioten hasiera bertan parte hartzen dutenek. Eta Kontrako Eztarrixe Azkoitiko irrati librea bisitatuz egin zuten estrainekoa. Matadeixen kokatuta dago irrati hori, eta han izan ziren Mintzalagunekoak: komunikabide horren bultzatzaileek irratiaren  funtzionamendua eta filosofia azaldu zieten aurrena eta ondoren euren egoitza erakutsi. Programan parte hartzeko aukera ere izan zuten batzuk: euskara zergatik hasi ziren ikasten azaldu zuten mikrofono aurrean. Are gehiago, bisitari guztiek gonbita jaso zuten nahi izanez gero, euren gustuko gaia edota mintzalguna programati buruz irratsaioa egiteko. Irratsaio horren edukia, iraupena eta maiztasuna proposamena egiten duenaren esku utzi zuten laguntza teknikoa eskainiz, grabazioak egiteko. Hemen dituzue bisitako argazkiak ikusgai.

Kontrako iztarrixe Azkoitiko irrati librea FM 94. 2 frekuntzian harrapatzen da.